იაფი ფრენები სტამბოლში

სტამბოლი – ქალაქი, რომელიც აერთიანებს ორ კონტინენტს და ორ სამყაროს: ევროპას და აზიას. ეს არის ადგილი, სადაც აღმოსავლური ტრადიციები და დასავლური მოდერნულობა საოცრად ერწყმის ერთმანეთს. სტამბოლი არა მხოლოდ თურქეთის, არამედ მთელი რეგიონის კულტურული და ისტორიული გულია, რომელიც ყოველ წელს მილიონობით ტურისტს იზიდავს თავისი უნიკალური ატმოსფეროთი.

ქალაქის მთავარი ღირსშესანიშნაობებიდან გამორჩეულია აია სოფია, რომელიც საუკუნეების განმავლობაში იყო როგორც ტაძარი, ისე მეჩეთი და დღეს კულტურული მემკვიდრეობის ერთ-ერთი ყველაზე მნიშვნელოვანი ნიმუშია. არანაკლებ შთამბეჭდავია ტოპკაფის სასახლე, ოსმალეთის სულთნების რეზიდენცია, საიდანაც გრძნობ თუ როგორ ცოცხლდება ისტორია. სულთანაჰმეთის მეჩეთი, თავისი ექვსი მინარეთითა და საოცარი არქიტექტურით, სტამბოლის სიმბოლოდ იქცა.

ტურისტებისთვის განსაკუთრებული გამოცდილებაა ბოსფორის სრუტეზე ნავით სეირნობა – აქედან ქალაქი სულ სხვა პერსპექტივით ჩანს. ხოლო თუ გსურთ ადგილობრივი ცხოვრების ატმოსფეროს შეგრძნება, აუცილებლად ეწვიეთ გრანდ ბაზარს, ერთ-ერთ უდიდეს ბაზარს მსოფლიოში, სადაც აღმოსავლური არომატები, სანელებლები და ხელნაკეთი ნივთები ქალაქის სულიერებას გადმოსცემს.

სტამბოლი ასევე ცნობილია თავისი გემრიელი სამზარეულოთი. ქალაქის მონახულებისას აუცილებლად უნდა გასინჯოთ ტრადიციული ქაბაბი, ბაკლავა და თურქული ჩაი. ქალაქის ქუჩები, ბოსფორის ხედითა და მდიდარი ისტორიული მემკვიდრეობით, არის გამოცდილება, რომელიც ტურისტს არასოდეს ავიწყდება.

დაგეგმეთ თქვენი მოგზაურობა სტამბოლში და აღმოაჩინეთ ქალაქი, სადაც ისტორია, კულტურა და თანამედროვე ცხოვრება საოცარ ჰარმონიაშია.

რა ღირს ყველაზე იაფი ფრენა სტამბოლში?

სტამბოლში გაფრენა შეგიძლიათ როგორც თბილისიდან, ისე ქუთაისიდან და ბათუმიდან. ავიარეისების მრავალფეროვანი არჩევანი მოგცემთ შესაძლებლობას, შეარჩიოთ თქვენზე მორგებული ბილეთები — კომფორტის, ფასისა თუ ავიაკომპანიის მიხედვით. თბილისიდან და ბათუმიდან სტამბოლში ფრენები ყოველდღიურად სრულდება, რაც მოგზაურობის დაგეგმვას კიდევ უფრო ამარტივებს.

ფასების მხრივ, სტამბოლისკენ ბილეთები საკმაოდ ხელმისაწვდომია — იაფი ავიარეისები იწყება დაახლოებით 64 ლარიდან. ამ ფასად შესაძლებელია პირდაპირი ფრენების პოვნა, ხოლო ფრენის ხანგრძლივობა საშუალოდ 2 საათსა და 15 წუთს გრძელდება. ეს სტამბოლს იდეალურ მიმართულებად აქცევს მათთვის, ვისაც მოკლე, კომფორტული და ბიუჯეტური მოგზაურობა სურს.

თბილისიდან სტამბოლში ფრენებს სამი თურქული ავიაკომპანია ახორციელებს: Pegasus Airlines, AJet Airlines და Turkish Airlines.
Pegasus და AJet ასრულებენ რეისებს საბიჰა გოქჩენის აეროპორტში და ძირითადად დაბალბიუჯეტიან ბილეთებს გვთავაზობენ, ხოლო Turkish Airlines დაფრინავს სტამბოლის მთავარ აეროპორტში და გამორჩეულია მაღალი ხარისხის სერვისით, რაც მის ფასებშიც აისახება. იაფი ავიაბილეთები იწყება – 118 ლარიდან.

ქუთაისიდან სტამბოლის მიმართულებით ოპერირებს Pegasus Airlines, რომელიც მგზავრებს კვლავაც ხელსაყრელ ფასად სთავაზობს ბილეთებს
ბათუმიდან კი სტამბოლში ფრენებს ახორციელებენ როგორც Pegasus Airlines, ასევე Turkish Airlines, და ორივე ავიაკომპანია გთავაზობთ კომფორტულ მომსახურებას ხელმისაწვდომ ფასად – 64 ლარიდან.

ქვემოთ მოცემულია იაფი ავიაბილეთების ცხრილი სტამბოლის მიმართულებით თბილისის, ქუთაისისა და ბათუმის საერთაშორისო აეროპორტებიდან. 

სტამბოლის საუკეთესო გამოცდილება