Air China პეკინსა და თბილისს შორის რეგულარულ ავიარეისებს იწყებს

საქართველოსა და ჩინეთის დედაქალაქებს შორის საჰაერო კავშირი ახალ ეტაპზე გადადის — საქართველოს სამოქალაქო ავიაციის სააგენტომ ჩინურ ავიაკომპანია Air China-ს ნებართვა მიანიჭა თბილისსა და პეკინს შორის რეგულარული რეისების განხორციელებაზე. გადაწყვეტილება სააგენტოში წარდგენილი განაცხადის საფუძველზე ოფიციალურად დღეს გახდა ცნობილი.

ახალი მიმართულება ოპერირებას დაიწყებს 2024 წლის 2 დეკემბრიდან, რაც მგზავრებს საშუალებას მისცემს, ჩინეთის დედაქალაქში გადაადგილება უფრო მარტივად და კომფორტულად დაგეგმონ. ფრენები შესრულდება ურუმჩის გავლით, კვირაში ორჯერ — ყოველ სამშაბათსა და შაბათს.

ეკონომიკისა და მდგრადი განვითარების სამინისტროში აღნიშნავენ, რომ ახალი საჰაერო ხაზი საქართველო–ჩინეთის ურთიერთობებს გააძლიერებს, ხელს შეუწყობს ტურისტული და ბიზნეს სექტორის გაფართოებას და ორი ქვეყნის თანამშრომლობას კიდევ უფრო გააღრმავებს.

მიუხედავად იმისა, რომ პეკინის მიმართულება სიახლეა, Air China საქართველოს ბაზრისთვის უცხო ავიაკომპანია არ არის. კომპანიამ ოპერირება 2024 წლის დეკემბერში დაიწყო და უკვე ახორციელებს რეისებს თბილისი–ურუმჩის-თბილისის მიმართულებით, (კვირაში ორჯერ)

ოფიციალური სტატისტიკის მიხედვით, მიმდინარე წლის 10 თვის განმავლობაში Air China-მ 25-ზე მეტი მგზავრი გადაიყვანა, რაც აშკარად მიუთითებს ბაზრის მზარდ ინტერესსა და მოთხოვნაზე.

რატომ არის ეს მნიშვნელოვანი საქართველოსთვის?

• ყალიბდება პირდაპირი და სტაბილური საჰაერო კავშირი ჩინეთის დედაქალაქთან;
• იზრდება ტურიზმის, ბიზნესისა და საგანმანათლებლო გაცვლების პოტენციალი;
• აძლიერებს საქართველო–ჩინეთის ეკონომიკურ და სტრატეგიულ თანამშრომლობას;
• ტურისტებს, აზიის მიმართულებით, ექნებათ კომფორტული მოგზაურობის საშუალება ფრენის მეტი სიხშირის გამო.

Air China-ს ახალი რეისები წარმოადგენს მნიშვნელოვან ნაბიჯს საქართველოს საერთაშორისო ხელმისაწვდომობის გაუმჯობესებაში. პეკინის მიმართულების დამატება არა მხოლოდ გზებს ხსნის აზიის ერთ-ერთ უმსხვილეს ცენტრთან, არამედ აძლიერებს ქვეყნის როლს რეგიონული ავიაციის ქსელში.