Wizz Air ქუთაისიდან ბრატისლავას მიმართულებით ახალ პირდაპირ ფრენებს იწყებს

ქუთაისის საერთაშორისო აეროპორტი კიდევ ერთ ევროპულ მიმართულებას ამატებს. ევროპის ერთ-ერთი უმსხვილესი დაბალბიუჯეტიანი ავიაკომპანია Wizz Air 2026 წლის 12 იანვრიდან ქუთაისი – ბრატისლავას პირდაპირ ფრენებს შეასრულებს. ახალი მიმართულება ტურისტებისთვის არის შესაძლებლობა, აღმოაჩინონ სლოვაკეთის ისტორიული და კულტურულად მდიდარი დედაქალაქი ხელმისაწვდომ ფასად.

ფრენების განრიგი და დეტალები:

• პირველი ფრენა: 12 იანვარი, 2026
• სიხშირე: კვირაში 4-ჯერ:
  • ორშაბათი
  • ოთხშაბათი
  • პარასკევი
  • კვირა
• თვითმფრინავი: Airbus A321neo – Wizz Air-ის ახალი თაობის, ენერგოეფექტური და კომფორტული საჰაერო ხომალდი;
• ბილეთები: შეძენა უკვე შესაძლებელია ავიაკომპანიის ოფიციალურ ვებგვერდსა და ტურისტული კომპანიის საშუალებით;
• საწყისი ფასი: 99 ლარი

ეს მიმართულება განსაკუთრებით მიმზიდველი იქნება იმ ადამიანებისთვის, ვინც ეძებს ბიუჯეტურ შესაძლებლობებს ევროპის შუაგულში სამოგზაუროდ.

ქვემოთ მოცემულია იაფი ავიაბილეთების ცხრილი ქუთაისი – ბრატისლავას მიმართულებით

Wizz Air-ის კორპორაციული კომუნიკაციების მენეჯერი, სალვატორე გაბრიელე იმპერიალე, ახალ მარშრუტს მნიშვნელოვან ნაბიჯად აფასებს:

“მოხარულნი ვართ, რომ ქუთაისიდან ჩვენს ქსელს ამ ახალი, საინტერესო კავშირით ვაფართოებთ. ეს მარშრუტი ერთმანეთთან აკავშირებს ორ ისტორიულ, კულტურით მდიდარ ქალაქს და კიდევ უფრო ამყარებს საქართველოსა და სლოვაკეთს შორის კავშირებს.”

ავიაკომპანია Wizz Air -ის ოპერირება საქართველოში

Wizz Air რჩება ქუთაისის საერთაშორისო აეროპორტის მთავარი სტრატეგიული პარტნიორი. დღეს ავიაკომპანია 12 ქვეყნის 23 მიმართულებაზე ოპერირებს, მათ შორის ახლახან დამატებულ ლიონის მარშრუტზე. აგრეთვე, 2 დეკემბრიდან დაგეგმილია ქუთაისიდან ვენეციამდე პირდაპირი ფრენების დაწყება.

ავიაკომპანიის რეალური მასშტაბი კიდევ უფრო ნათლად აისახება სტატისტიკაში:

• 2012 წლიდან დღემდე Wizz Air-მა საქართველოში თითქმის 9 მილიონი მგზავრი გადაიყვანა;
• მხოლოდ 2025 წელს ქუთაისის მიმართულებით და ქუთაისიდან შესრულდა 6,800 ფრენა;
• შეთავაზებული ადგილების რაოდენობა: 1.8 მილიონი+;
• მიღებული ჯავშნები: 1.5 მილიონი+;
• ფრენების შესრულების მაჩვენებელი: 99.7% – ერთ-ერთი საუკეთესო ევროპაში;

ეს მონაცემები კიდევ ერთხელ უსვამს ხაზს ქუთაისის აეროპორტის მნიშვნელობას და მის მზარდ როლს რეგიონულ დაბალბიუჯეტურ ჰაბად.

რას მოუტანს ახალი მიმართულება საქართველოს?

• უფრო ფართო წვდომას შუა ევროპაზე;
• ტურისტული ნაკადების ზრდას;
• ბიზნეს და საგანმანათლებლო კავშირების გაფართოებას;

ბრატისლავა — თავისი მშვიდი ატმოსფეროთი, შუასაუკუნეების არქიტექტურითა და დუნაის სანაპიროს ულამაზესი ხედებით – ხდება კიდევ ერთი მიმზიდველი არჩევანი ქართველი მოგზაურებისთვის.