მოლდოვური ავიაკომპანია Vision Air საქართველოს საავიაციო ბაზარზე შემოდის

საქართველოს საავიაციო სექტორი კიდევ ერთი ახალი ავიაკომპანიით ფართოვდება — მოლდოვური ავიაკომპანია Vision Air ოფიციალურად იწყებს ოპერირებას ქართულ ბაზარზე. საქართველოს სამოქალაქო ავიაციის სააგენტომ კომპანიას ნებართვა 10 ოქტომბერს მიანიჭა, რაც ნიშნავს, რომ მალე მგზავრებს შესაძლებლობა ექნებათ პირდაპირ იმგზავრონ მოლდოვის დედაქალაქ კიშინიოვში.

პირველი რეისი დაგეგმილია 2 ნოემბრიდან, საწყის ეტაპზე — კვირაში ერთი სიხშირით. შემდგომ ეტაპზე სიხშირე ეტაპობრივად გაიზრდება და ფრენები კვირაში სამჯერ განხორციელდება. ახალი მიმართულება არა მხოლოდ პირდაპირ სამგზავრო კავშირს ქმნის ორ ქვეყანას შორის, არამედ ზრდის არჩევანს, კონკურენციას და ხელმისაწვდომ ფასებს საქართველოს მაცხოვრებლებისთვის.

ქვემოთ მოცემულია იაფი ავიაბილეთების ცხრილი თბილისიდან კიშინიოვის მიმართულებით, რომელსაც ასრულებს Vision Air

Vision Air-ის გამოჩენა ბაზარზე მნიშვნელოვანია როგორც ტურიზმისთვის, ისე ბიზნეს სექტორისთვის — კიშინიოვთან პირდაპირი ავიაკავშირის გაჩენა გაამარტივებს მოგზაურობას, ვიზიტებს, კულტურულ გაცვლასა და ეკონომიკურ თანამშრომლობას ორ ქვეყანას შორის.

მგზავრები ახლო მომავალში შეძლებენ ბრენდთან გაცნობას და მიმართულების განვითარებასთან ერთად უფრო მოქნილი რეისების გრაფიკით სარგებლობას.