ცენტრალურ აზიაში უმსხვილეს საავიაციო ჰაბს აშენებენ

უზბეკეთი ავიაციის განვითარებაში ახალ ეტაპზე გადადის — ქვეყნის დედაქალაქ ტაშკენტთან ახლოს იწყება ახალი საერთაშორისო აეროპორტის მშენებლობა, რომელიც მიზნად ისახავს ცენტრალური აზიის ერთ-ერთ ყველაზე მასშტაბურ საავიაციო ჰაბად ქცევას.

პროექტის საერთო ღირებულება დაახლოებით 2.5 მილიარდი დოლარია და მასში ჩართულია საერთაშორისო კონსორციუმი, სადაც წარმოდგენილი არიან ისეთი ძლიერი პარტნიორები, როგორებიცაა Vision Invest (საუდის არაბეთი), Sojitz Corporation (იაპონია) და Incheon International Airport Corporation (სამხრეთ კორეა).

პირველ საფეხურზე, დაახლოებით $2.5 მილიარდიანი ინვესტიციით, აშენდება ახალი ტერმინალი და აეროდრომი.

ახალი აეროპორტი განთავსდება ტაშკენტის რეგიონის ურტა-ჩირჩიკისა და კუიი-ჩირჩიკის რაიონებში და მოიცავს 1 300 ჰექტარ ფართობს. პირველ ეტაპზე აშენდება თანამედროვე ტერმინალი, აეროდრომი და სატრანსპორტო ინფრასტრუქტურა, რომელიც მაღალი სიჩქარის რკინიგზასა და მაგისტრალებთან იქნება დაკავშირებული.

მშენებლობის დასრულების შემდეგ, ტაშკენტის ახალი აეროპორტი შეძლებს წელიწადში 20 მილიონამდე მგზავრისა და 129 000 ტონა ტვირთის მიღებას. პროექტი არა მხოლოდ უზბეკეთის, არამედ მთელი რეგიონისთვის იქნება გარდამტეხი — ის გააძლიერებს ტურისტულ, სავაჭრო და ლოგისტიკურ შესაძლებლობებს, და ქვეყანას აღმოსავლეთსა და დასავლეთს შორის მნიშვნელოვან საჰაერო კვანძად აქცევს.

უზბეკეთის ხელისუფლების განცხადებით, ახალი ჰაბი არა მხოლოდ ავიაციის სექტორს განავითარებს, არამედ ქვეყნის ეკონომიკისთვისაც შექმნის მძლავრ შემოსავლის წყაროს, რომელიც წლიურად 27 მილიარდ აშშ დოლარამდე შეიძლება მიაღწიოს.

ქვემოთ მოცემულია იაფი ავიაბილეთების ცხრილი ტაშკენტის მიმართულებით

იაფი ფრენები ტაშკენტში

ტაშკენტი – ცენტრალური აზიის თანამედროვე და გამორჩეული დედაქალაქი, რომელიც კულტურის, ისტორიისა და ურბანული განვითარების უნიკალურ შერწყმას წარმოადგენს. ქალაქის ფართო ბულვარები, თანამედროვე არქიტექტურა და მწვანე პარკები მოსანახულებლად მიმზიდველ გარემოს ქმნის, ხოლო ადგილობრივი ბაზრები და ტრადიციული კულინარია დაუვიწყარ შთაბეჭდილებებს ტოვებს თითოეულ მოგზაურზე.